Infinix Hot 70 Pro 5G ભારતમાં લોન્ચ, કિંમત 22,999 રૂપિયા થી શરૂ

Infinix એ 4 સપ્ટેમ્બર રોજ ભારતમાં પોતાનો નવો સ્માર્ટફોન Hot 70 Pro 5G લોન્ચ કર્યો. આ ફોન એક્સક્લૂસિવ રીતે ફ્લિપકાર્ટ પર ઉપલબ્ધ રહેશે અને તેની શરૂઆતની કિંમત 22,999 રૂપિયા રાખવામાં આવી છે.

Hot 70 Pro 5G માં 6.76 ઇંચનો ફુલ-એચડી+ ડિસ્પ્લે છે, જે 144Hz રિફ્રેશ રેટ સપોર્ટ કરે છે. ફોનની જાડાઈ 7.85 મિમી છે અને તેનું સ્લિમ ડિઝાઇન તેને ખાસ બનાવે છે. બેક પેનલ પર 'એક્ટિવ મેટ્રિક્સ ક્યુબ' નામનું કસ્ટમાઇઝેબલ એલઇડી ડિસ્પ્લે આપવામાં આવ્યું છે, જે નોટિફિકેશન્સ અને વિઝ્યુઅલ ઇફેક્ટ્સ બતાવે છે.

ફોનમાં મિડિયાટેક ડિમેન્સિટી 7100 5G ચિપસેટ લગાવવામાં આવ્યું છે, જેને 8GB સુધી રેમ અને 256GB સુધી સ્ટોરેજ સાથે જોડાઈ શકે છે. રિયર કેમેરા 50 મેગાપિક્સલનો પ્રાઇમરી સોની સેન્સર છે, જ્યારે ફ્રન્ટમાં 8 મેગાપિક્સલનો સેલ્ફી કેમેરા મળશે.

આ ફોન IP68 રેટિંગ સાથે આવે છે, જે ધૂળ અને પાણીથી સુરક્ષા આપે છે. ભારતમાં તેને 6000mAh ની મોટી બેટરી સાથે રજૂ કરવામાં આવી છે, જે 45W ફાસ્ટ ચાર્જિંગને સપોર્ટ કરે છે.

Hot 70 Pro 5G ને ચાર રંગોમાં લોન્ચ કરવામાં આવ્યો છે: ડાઇવ બ્લૂ, મિરાજ ગ્રીન, સિલ્ક ગ્લો પર્પલ અને થર્મો ઓરેન્જ. થર્મો ઓરેન્જ વેરિઅન્ટ તાપમાન અનુસાર રંગ બદલાવે છે, મિરાજ ગ્રીન ઓછી લાઇટમાં પોતાનું લુક બદલાવે છે, અને સિલ્ક ગ્લો પર્પલમાં શિફ્ટિંગ ટેક્સચર મળે છે.

કંપનીએ આ ફોન ખાસ કરીને યુવા યુઝર્સ માટે ડિઝાઇન કર્યો છે, જે રોજિંદા ફોટોગ્રાફી, સોશિયલ મીડિયા અને ગેમિંગ માટે યોગ્ય છે. આ ફોન ફ્લિપકાર્ટ પર એક્સક્લૂસિવ મળશે અને તેના બે વેરિઅન્ટ 6GB+128GB અને 8GB+128GB ઉપલબ્ધ રહેશે.